ក្រុមអ្នកគ្រប់គ្រង

លោក ស៊ង់ សុផលរិទ្ធី

ជាប្រធាននាយកប្រតិបត្តិរបស់គ្រឹះស្ថានអ៊ីស្ត មីក្រូ ម.ក តាំងពីពេលដែលគ្រឹះស្ថានត្រូវបានបង្កើតឡើង។ កាលពីឆ្នាំ២០០៦ លោកចាប់ផ្តើមអាជីពជាមួយធនាគារស្ថាបនាក្នុងតំណែងជាបុគ្គលិកស្ម័គ្រចិត្តរយៈពេល៣ខែ មុនត្រូវបានជ្រើសរើសជាមន្ត្រីឥណទានពេញសិទ្ធិ។ បន្ទាប់មកលោកបានផ្ទេរមកការិយាល័យកណ្តាល និងកាន់តួនាទីជាច្រើនក្នុងអំឡុងឆ្នាំ ២០០៧ និងឆ្នាំ២០១៤ រួមមាន ជំនួយការ មន្ត្រី មន្រ្តីជាន់ខ្ពស់ ប្រធានផ្នែកត្រួតពិនិត្យ ប្រធានផ្នែកកម្ចីខ្នាតតូចនិងមធ្យម និងជានាយករង នៃនាយកដ្ឋានឥណទាន។

លោកត្រូវបានតែងតាំងជា នាយកប្រតិបត្តិប្រតិបត្តិការ និងជាសហស្ថាបនិកនៃគ្រឹះស្ថានមីក្រូហិរញ្ញវត្ថុ ស្ថាបនា នៅប្រទេសភូមា ដែលក្នុងរយៈពេល២ឆ្នាំដំបូងនៃប្រតិបត្តិការបានក្លាយជាគ្រឹះស្ថានមីក្រូហិរញ្ញវត្ថុធំជាងគេលំដាប់លេខ២នៅទីនោះ។ ឆ្នាំ២០១៨ លោកបានផ្តល់ការប្រឹក្សាយោបល់ក្នុងគម្រោងបង្កើតគ្រឹះស្ថានមីក្រូហិរញ្ញវត្ថុ វិថី នៅប្រទេសភូមាប្រកបដោយភាពជោកជ័យ។ ក្នុងឆ្នាំដដែលនោះលោកបានសម្រេចចិត្តទទួលយកតួនាទីជាអនុប្រធាននាយកប្រតិបត្តិ និងទទួលការតែងតាំងជាប្រធាននាយកប្រតិបត្តិស្តីទីនៅក្នុងគ្រឹះស្ថានមីក្រូហិរញ្ញវត្ថុ HAYMAN នៅប្រទេសភូមា ហើយបានដឹកនាំស្ថាប័ននេះឱ្យទទួលបានកំណើនគួឱ្យកត់សម្គាល់។ ឆ្នាំ២០២០ លោកបានបង្កើត គ្រឹះស្ថានមីក្រូហិរញ្ញវត្ថុ STANDARDIZE និងទទួលយកតំណែងជាប្រធាននាយកប្រតិបត្តិរហូតដល់ចុងឆ្នាំ២០២១ លោកក៏បានចាកចេញពីប្រទេសភូមាដោយហេតុផលនយោបាយ និងសុវត្ថិភាពផ្ទាល់ខ្លួន។

ក្រៅអំពីការងារពេញម៉ោងដែលបានរៀបរាប់ខាងលើ លោក រិទ្ធី ធ្លាប់ជាទីប្រឹក្សាជាន់ខ្ពស់នៃក្រុមហ៊ុនមួយចំនួនដូចជា GREAT WALL GROUP, SNARKY TRADING, GENTECHS និងដាកូ ហ្វាយនែន។