ព័ត៌មាន

បង្ហាញក្តីស្រលាញ់ និងការចែករំលែក ជាគំរូដ៏ល្អនៃសាមគ្គីភាពក្នុងសង្គម ❤️🤝

នាព្រឹកថ្ងៃចន្ទ ទី៣១ ខែមីនា ឆ្នាំ២០២៥៖ ជាមួយនឹងវត្តមាន អ្នកឧកញ៉ា លី សេងឃាង និង លោកជំទាវ ចាន់ ដានី ជាអគ្គនាយក និងអង្គនាយិការង នៃក្រុមហ៊ុន EAST GROUP រួមទាំង ថ្នាក់ដឹកនាំ និងបុគ្គលិក បានអញ្ជេីញចុះសាកសួរសុខទុក្ខ កុមារមានពិការភាព និងបានឧបត្ថម្ភ បរិច្ចាគសម្ភារប្រើប្រាស់មួយចំនួន និង គ្រឿងឧបភោគបរិភោគដូចជា អង្ករ ត្រីខ មី និង ថវិកាចូលរួមជាមួយមណ្ឌល និងសម្ភារផ្សេងៗជាច្រើនទៀត ជូនដល់ " មជ្ឈមណ្ឌលទារក និងកុមារជាតិ"។

ក្នុងនាមយើងខ្ញុំជាបុគ្គលិកគ្រប់ជាន់ថ្នាក់ នៃក្រុមហ៊ុន EAST GROUP ពិតជាមានមោទកភាពយ៉ាងក្រៃលែង ក្រោមការដឹកនាំរបស់ អ្នកឧកញ៉ា លី សេងឃាង និង លោកជំទាវ ចាន់ ដានី ដែលជាថ្នាក់ដឹកនាំគំរូ ក្នុងការដឹកនាំក្រុមហ៊ុន ប្រកបដោយមនុស្សធម៌ និងតែងតែផ្តល់វត្តមានយ៉ាងពេញលេញ ក្នុងការចូលរួមចំណែកដល់កិច្ចការងារសង្គម និងសប្បុរសធម៌នាៗ។